ماسر ابتعاد الناس عن الجامعه الاردنيه للطب ..ارجو الرد
سلام عليكم ورحمة الله وبركاته
اخواني ما ادري ليه الناس خايفه من الجامعه الاردنيه .انا ان شاءالله انقبلت بعثه عليها :لكن اللي تفاجات به ان اكثر الناس ماتبيها وكلهم خايفين منها .
ياليت من احد الاخوة يفيدنا من اللي درسوا فيها باسرع وقت ممكن .
انا سمعت ان التكنو لوجيا في السنه التحضيرية اذا جبت بالماده فوق الـ80 تحذف عنك الماده في سنه اولى طب ,واذا نجحت فيها بس تحت أل80 تدرسها مره ثانيه سنه اولى طب ,هل النظام هذا ينطبق على الجامعه الاردنيه ام لا .
وياليت اللي عنده فكره يوضح لنا السنه التحضيريه والمواد اللي راح ندرسها ,
جزاكم الله خير
رد: ماسر ابتعاد الناس عن الجامعه الاردنيه للطب ..ارجو الرد
واني مثلك انقبلت بالجامعه الاردنية ..
ياليت الي عنده معلومات يفيدنا
وليه دراسة الطب 8 سنوات مع السنه التحضيرية ؟ :(
رد: ماسر ابتعاد الناس عن الجامعه الاردنيه للطب ..ارجو الرد
سر الابتعاد يا عزيزي
بتكلم بالنسبه لي
انا من الطلاب المحولين على التكنو
والسبب ان العاصمه غالبا ما تكون فيها الملهيات اكثر
يعني لازم تمسسك ع نفسك عشان تذاكر
و السبب الثاني الازعاج الي فيها وبقووه
وانها دايم مصياف للسعوديين خميس وجمعه
يعني بتلاقي زحممه دايم
ومافيه هدوء مناسب للدراسه
اما اختياري للتكنو ومدينه اربد
فهو لاسباب
اولا الهدوء الرهيب فيها "يعني مكان للدراسه مناسب جدا"
ثانيا توفر جميع الخدمات وكانك في عمان"يعني صدقني قليل ما راح تطلع لعمان عشان تتمشى"
ثالثا توفر المعاهد وباسعار مناسبه جدا
رابعا لما يجي الويكند وتبغى تروح مكان
تطلع لعمان وتغير جو كأستجممام
بس لو كنت بعمان
صعب تحصل مكان يملي العين مثلها
و ان شاء الله وصلت المعلومه
رد: ماسر ابتعاد الناس عن الجامعه الاردنيه للطب ..ارجو الرد
ام حسن
بالنسبه للمده
ف هي سنه تحضيريه على الطلاب السعوديين "وانصح وبشده الاجتهاد فيها وعدم تضيعها حتى لو قيل لكم الكل راح ينجح يعني لا تتعب نفسك
لان اذا ما عادلت الماده واسقطتها راح تدرسها بالسنه الاولى ومع ثلاث ميه طالب يعني راح تكون صعبه عليك وحتى تتفرغ للمواد الثانيه
واتمنى التركيز عالمواد الانقليزيه حاول تطور نفسك فيها بقووة "
بعدين تدرس ست سنوات تقسم على قسمين
القسم الاول البيسك او الاساسي ثلاث سنوات" وهي تكون مواد اساسيه بدايه طريقك بالطب وتكون اغلبها حفظ زي الاسم "
القسم الثاني العملي وتكون بالمستشفى وعلى شكل اسابيع ثلاث سنوات " يعني تدرس اجهزه الجسم على شكل اسابيع محدده
ولا يكون فيه فصل اول وثاني ما عدا اختبار اخر السنه "
السنه الثامنه تكون امتياز
وهي حصيله ما قدمت بالست سنوات الماضيه تداوم دوام رسمي كمسمى طبيب امتياز
تشرف على حالات وتقوم بما يقوم به الدكتور الكامل
وترا الصيفي اجباري بجميع السنوات
وبس ^_^
رد: ماسر ابتعاد الناس عن الجامعه الاردنيه للطب ..ارجو الرد
ههههههههههههه انا بعد قريت الاسم ام حسن بس مااتوقع انه قصدها ام حسن
رد: ماسر ابتعاد الناس عن الجامعه الاردنيه للطب ..ارجو الرد
السلام عليكم
بالنسبه للطلاب اللي نقلو لجامعة التكنو..
ماسبب اختيارهم ل هذه الجامعه؟؟
هل هو بسبب هدوء المنطقه وجوها مناسب للدراسه؟؟
ام بسبب انها اسهل في دراسه الطب كما سمعت ؟؟
لأني سمعت بأن الجامعه الاردنيه صعبه جدا في دراسه الطب هل هذا صحيح؟؟؟
اتمنى أن تفيدوني..
رد: ماسر ابتعاد الناس عن الجامعه الاردنيه للطب ..ارجو الرد
هههههههههههههههه رنا ضحكتيني
مو ام حسن:/
اسمي امل حسن ههههه
وشكرا ع المعلومات
رد: ماسر ابتعاد الناس عن الجامعه الاردنيه للطب ..ارجو الرد
انا الحمدالله انقبلت بالاردنية ..
وبالعكس انا اشووف الاردنية افضل لسهولة المراجعه فيها سواء للملحقية وغيرها وو قرب المطار من عمان على العكس من اربد المسافة تقريبا 80 كلم ..
نتمنى التووووفيق للجميع ..
واي شي يصير عن البعثة يا ليت تعطونا خبر بالقسم هذا لانه اللي عرفته راح يتصلون بس ما ادري متى ؟؟
رد: ماسر ابتعاد الناس عن الجامعه الاردنيه للطب ..ارجو الرد
واني بعد بالجامعه الاردنيه وكل يوم انتظر اتصالهم والله مطولين شكلهم :(
رد: ماسر ابتعاد الناس عن الجامعه الاردنيه للطب ..ارجو الرد
حنا السنه الي راحت قالو أنتضرو اتصال ومااتصلو وآخر شي نزلو اعلان بالموقع حطو فيه أرقام الملحقيه وقالو دقو ونسقو مع الملحقيه
رد: ماسر ابتعاد الناس عن الجامعه الاردنيه للطب ..ارجو الرد
يااخوان سمعت ان التكنو تعادل المواد بس والله صعبه 8 سنوات طب مشكله . بس بالسعوديه سبع سنوات مع التحضيري وش هالشي اللي خلاها 8 سنوااات ,
اما بالنسبه لاتصالهم اللي يجيه اتصال ياخي يكتب لنا بالموقع عنوان عشان كلنا نستفيد ,
اما بالنسبه للتحضيري :هل يعادلون لنا المواد ام لا ؟
شاكرين لكم وعلى تفاعلكم يا اخوان
رد: ماسر ابتعاد الناس عن الجامعه الاردنيه للطب ..ارجو الرد
اقتباس:
المشاركة الأصلية كتبت بواسطة Bent Alarab
السلام عليكم
بالنسبه للطلاب اللي نقلو لجامعة التكنو..
ماسبب اختيارهم ل هذه الجامعه؟؟
هل هو بسبب هدوء المنطقه وجوها مناسب للدراسه؟؟
ام بسبب انها اسهل في دراسه الطب كما سمعت ؟؟
لأني سمعت بأن الجامعه الاردنيه صعبه جدا في دراسه الطب هل هذا صحيح؟؟؟
اتمنى أن تفيدوني..
السبب هو الي ذكرت فوق بالرد السابق
امما مساله ان دراسه الطب صعبه او لا
فانا اقولك من الحين فجميع جامعات العالم الطب صعب
سوا كان بجامعات المانيا او جامعات بنقلاديش
لان هذا طب مووو لعب
وجامعه التكنو والاردنيه الافضل بالاردن من ناحيه الطب
لكن افضل التكنو لاسبابي الي ذكرتها سابقا
رد: ماسر ابتعاد الناس عن الجامعه الاردنيه للطب ..ارجو الرد
اقتباس:
المشاركة الأصلية كتبت بواسطة dr.azooz
يااخوان سمعت ان التكنو تعادل المواد بس والله صعبه 8 سنوات طب مشكله . بس بالسعوديه سبع سنوات مع التحضيري وش هالشي اللي خلاها 8 سنوااات ,
اما بالنسبه لاتصالهم اللي يجيه اتصال ياخي يكتب لنا بالموقع عنوان عشان كلنا نستفيد ,
اما بالنسبه للتحضيري :هل يعادلون لنا المواد ام لا ؟
شاكرين لكم وعلى تفاعلكم يا اخوان
ثمان سنوات على الجامعتين
لكن انا اقولك ليش ثمان سنوات
بسبب ان الطلاب السعوديين لهم سنه تحضيريه خاصه يدرسونها لوحدهم
ومن ثم يدخلون مع الطلاب الاردنين بالسنه الاولى ويدرسون سبع سنوات مثلهم مثل الطلاب (لان الطلاب الاردنين ما عندهم سنه تحضيريه تصير دراستهم سبع سنوات)
لكن اذا جبت بالمعدل فوق ثمانين تسقط عنك الماده بالسنه الاولى
ولا تدرسها مع الطلاب الاردنين
وترتاح بالسنه الاولى يكون عندك مواد تركز عليها ومو كثيره
رد: ماسر ابتعاد الناس عن الجامعه الاردنيه للطب ..ارجو الرد
الجامعة الاردنية فيها نظام ( فلتريشن ) يعني بعد ما تخلص سنه اولى او ثانيه وانت مب شاطر عادي تعيد السنه كلها من يديد
الطلاب البحرينين اللي في جامعتنه يدرسون طب بس على طول سنه اولى ما عندهم تحضيريه !!!!!!!!
عمان مثل ما قالوا الاخوان وايد فيها ملهيات .. مجمعات وطلعات .. يعني لازم تركزون على الدراسه عدل ..
والدراسه بالنسبة لي مب صعبه وايد انا خلصت اولى ورايحه ثانيه بإذن الله بس تخصصي مب طب - اطراف صناعية - الحمدلله حتى معدلي زين
حطوا بالكم على الدراسه لا يشغلكم شي ثاني ابدا
وحاسبوا شوي من الشعب الاردني شعب عصبي وعنيف .. من فتره كان في رشاش في الجامعه = (
لكن بتستمتعون في الحياه في عمان وفي الاردن بشكل عام في اماكن سياحيه وايد .. بس لا تنسون انكم يايين تدرسون مب يايين تلعبون
وشدوا حيلكم من اول سنه .. سنه اولى اهي اللي تحدد مستقبلك
ومبارك عليكم الشهر ان شاء الله * _ *
رد: ماسر ابتعاد الناس عن الجامعه الاردنيه للطب ..ارجو الرد
السلام عليكم
طيب ممكن سؤال ؟الي درس تحضيري هل تعادل له المواد في الجامعه الاردنيه ؟؟
رد: ماسر ابتعاد الناس عن الجامعه الاردنيه للطب ..ارجو الرد
سؤال ثاني هل الصيفي اجباري في كل السنوات ؟
رد: ماسر ابتعاد الناس عن الجامعه الاردنيه للطب ..ارجو الرد
السلام عليكم
بالنسبه للصيفي في الطب اجباري في جميع السنوات..
رد: ماسر ابتعاد الناس عن الجامعه الاردنيه للطب ..ارجو الرد
اقتباس:
المشاركة الأصلية كتبت بواسطة مزاج بدوي
ثمان سنوات على الجامعتين
لكن انا اقولك ليش ثمان سنوات
بسبب ان الطلاب السعوديين لهم سنه تحضيريه خاصه يدرسونها لوحدهم
ومن ثم يدخلون مع الطلاب الاردنين بالسنه الاولى ويدرسون سبع سنوات مثلهم مثل الطلاب (لان الطلاب الاردنين ما عندهم سنه تحضيريه تصير دراستهم سبع سنوات)
لكن اذا جبت بالمعدل فوق ثمانين تسقط عنك الماده بالسنه الاولى
ولا تدرسها مع الطلاب الاردنين
وترتاح بالسنه الاولى يكون عندك مواد تركز عليها ومو كثيره
اخوي ا الحين اذا جبت بالماده فوق الــ80 في الجامعه الاردنيه تحذف عني ولا انت قاعد تتكلم عن التكنو ؟؟؟
شاكر لك